Orari i shërbimeve : E Hëne-E Dielë (8.00 - 18.00)

mobile-iconPer me shume informacion + 355 (0)69 3381880
info@ndihmaplus.com

Fëmijët

E dimë që gjyshet apo hallat/tezet janë kujdestarët e besuar të fëmijëve në rast të mungesës suaj, por jo gjithmonë ata janë të disponueshëm apo jetojnë afër jush.Në mëngjes apo në mbrëmje, për pak ore apo për një ditë të plotë, vetëm për një rast apo sipas një plani të programuar, gjithmonë mund të mbështeteni tek ne për një babysitter po aq të besuar që të kujdeset për fëmijët tuaj.

Kujdestarët e fëmijëve të punësuar nga ne janë të përzgjedhur dhe testuar me kujdes.  Ato kanë marrë trajnime të vecanta për kujdes ndaj fëmijëve, kanë eskperienca të mëparshme dhe më shumë se një profesion, kujdesi ndaj fëmijëve për to është një punë të cilin e bëjnë me shumë pasion.

Na kontaktoni menjëherë!

Kur marrim telefonatën apo kërkesën tuaj për shërbim, do të donim gjithashtu të merrnim informacionin e mëposhtëm:
• Ndihma që ju po kërkoni: Kujdes për fëmijë të vegjël, Kujdes për fëmijë në shkollë, Ndihmë për nënat e reja, kujdestare e përhershme fëmijësh
• Mosha e fëmijëve tuaj dhe dy fjalë për secilin prej tyre
• Nëse fëmijët do të qëndrojnë në shtëpinë tuaj apo mund/duhet të lëvizë
• Nëse pranoni ose preferoni që kujdestarja të kujdeset për fëmijën tuaj njëkohësisht me një fëmijë tjetër
• Porosi të vecanta që ju keni për kujdestaren
• Koha dhe ora e kërkuar e shërbimit
Në vijim të kërkesës suaj, do ju vëmë në kontakt me kujdestaren e sugjeruar në rastin tuaj së cilës mund t’i bëni një intervistë telefonike ose ta takoni paraprakisht.

• Shihni reagimin e fëmijëve kur i njoftoni që do të vijë një babysitter dhe kuptoni reagimin e tyre pas largimit të saj
• Nëse hezitoni t’i lini vetëm me fëmijët, shërbimet e para mund të jetë në prezencën tuaj
Para se të largoheni, nevojitet t’i jepni kujdestares këto informacione:
• Emrat dhe kontaktet tuaja të telefonit, adresën ku do të ndodheni
• Emrat dhe kontaktet e disa prej familjarëve tuaj që mund të përgjigjen në rast nevoje
• Emrat e fëmijëve dhe tipare e tyre (datëlindjen,gjatësinë,peshën,ngjyrën e flokëve dhe të syve dhe ndonjë shenjë të vecantë)
• Gjendjen shëndetësore të fëmijës dhe alergjitë e tij
• Koha e fjetjes së fëmijës dhe mënyra e preferuar e vënies në gjumë (përrallë, film etj)
• Ushqimet apo pijet për t’i dhënë fëmijëve dhe oraret e tyre
• Mjekimet për t’i dhënë fëmijëve dhe oraret e tyre (nëse janë të aplikueshme)
• Vendndodhja e ndërresave
• Si të qetësohet fëmija në rast se qan
• Adresën e saktë të shtëpisë dhe instruksionet për gjetjen e shtëpisë
• Kontaktet e doktorit apo mjekut tuaj të familjes
• Vendndodhjen e kutisë së ndihmës së shpejtë
• Porosi të tjera të vecanta
Kujdestaret tona janë të kujdesshme për të respektuar këto rregulla për kujdesin e fëmijëve:
• T’u lejojnë kohë prindërve të lënë të gjitha informacionet dhe instruksionet e duhura
• Të mos u japin fëmijëve ushqime,pije apo ilace në rast se nuk janë instruktuar nga prindërit
• Të mbajnë të mbyllura dyert dhe dritaret
• Të mos e lenë asnjëherë fëmijën vetëm në tualet
• Të kontrollojnë fëmijët cdo 15 minuta nëse janë në gjumë
• Të mos largohen nga shtëpia me fëmijët pa lejen e prindërve
• Të mos lejojnë askënd të hyjë në shtëpin pa miratimin e prindërve
• Të përgjigjen në telefonin e shtëpisë me kujdes, duke mos u lejuar të panjohurve të kuptojnë se janë kujdestare
Për më tepër, në varësi të moshës së fëmijës suaj, ato do të zbavitin fëmijwt tuaj me përrallat apo lojërat e tyre të preferuara.
Stafi i agjencisë sonë do të vihet në kontakt me ju për të dëgjuar opinionin tuaj për kujdestaren e fëmijës dhe nëse jeni të interesuar, ju mund të bini dakord mbi një plan kujdesi të programuar në kohë të vecanta të javës.