Punët e shtëpisë janë përgjegjësi e të gjithë pjestarëve në një familje, përfshirë këtu edhe më të vegjlit. Të lash pjatat, sigurisht që nuk është një aktivitet shumë i pëlqyeshëm për vetë të rriturit. Kështuqe për fëmijët, shpenzimi minimalisht i 20 minutave ne ditë për të boshuar lavamanin me enët e drekës, është diçka jashtë logjikës, gati – gati e padrejtë, veçanërisht kur gjithë interesi tyre personal është i fokusuar tek argëtimi. Dhe për këtë arsye, shpesh prindërit zgjedhin t’i mbajnë fëmijët e grupmoshës mbi 5 vjeç, sa më larg punëve të pastrimit në shtëpi! Kryesisht për të mos ‘i torturuar’ dhe me idenë se ‘do t’ju vijë koha të merre edhe me hekurin, lavatriçen, enët dhe fëmijët njëkohësisht edhe të dielën ne drekë’!
Por ajo çka duhet të dini me siguri është ideja se fëmijët që angazhohen nga prindërit për të kryer detyra të thjeshta të mirëmbajtjes së shtëpisë, kanë probabilitet dhe shanse më të larta që të shndërrohen në të rritur të suksesshëm në të ardhmen e afërt. Prandaj pavarsisht tekave të fëmijëve ose ndjesisë së fajit që provoni sa herë e vini në punë brenda mureve të shtëpisë fëmijën tuaj ( rregulloj krevatin, fshijë plhurat, palos rrobat etj ), mbani mirë parasysh këtë ide.
Përse është ide e mirë përfshirja fëmijëve në punët e shtëpisë? Sepse aktiviteti pastrimit në shtëpi ka të bëjë jo thjesht dhe vetëm me larjen e rrobave, hedhjen e mbeturinave, pastrimin e sobës etj. Të gjitha këto aktivitete mbi të gjitha e mësojnë fëmijën në praktik se çfarë do të thotë të organizosh jetesën e përditshme. Ndodh zakonisht, që fëmijët të nënvlerësohen nga prindërit duke i trajtuar më të shumtën e kohës si të vegjël dhe të paditur, gati – gati si të ishin lule delikate, që thjesht duhet të duken bukur dhe ndriçojnë! Por e vërteta është se fëmijët ashtu siç kanë nevojë të ndjehen të sigurtë dhe në paqe brenda familjes, po ashtu kanë nevojë të ndjehen edhe të rëndësishëm, jo thjesht dhe vetëm të vegjël. Sigurisht që ka një kohë të duhur për gjithçka, por prindërit duhet të jenë të vetëdijshëm që nëpërmjet aktivizimit të fëmijëve në punët e shtëpisë, nuk po abuzojnë aspak me ta, thjesht po ju mësojnë në praktik si të kujdesen për veten dhe si të bashkëpunojnë dhe organziohen si fillim brenda një skuadre të vogël ( familja ). Çka rrjedhimisht i mëson fëmijët se si të ndërveprojnë me të tjerët, të marrin përsipër përgjegjësi dhe të përkushtohen për ta kryer sa më mirë punën që ju besohet!
Më poshtë do të gjeni një listë me punët e shtëpisë që fëmijët mund të angazhohen sipas grupmoshës përkatëse :
- Grupmosha 2- 3 vjeç : mund të kryej shumë mirë funksione të tilla si të ushqehet vetë, të ujisë lulet, të mbledh dhe vendos në vendin e caktuar lodrat e tij
- Grupmosha 4 – 5 vjeç : mund dhe duhet të kryej shumë mirë këto funksione të vishet vetë, të vendos në vendin e duhur rrobat e palara, të shkoj në tualet vetë
- Grupmosha 6 – 7 vjeç : mund dhe duhet të kryej shumë mirë këto funksione të rregulloj shtratin e tij / saj, të përgatis vetë çantën e shkollës, të lahet vetë
- Grupmosha 8- 9 vjeç : mund dhe duhet të kryej shumë mirë këto funksione të ngrerë tavolinën pas vaktit, të sistemoj në dollap rrobat e tij / saj të pastra, të ndihmojë në kuzhinë
- Grupmosha 10 – 11 vjeç : mund dhe duhet të kryej shumë mirë këto funskione të vërë rregull nëpër shtëpi, të nxjerr shëtitje kafshët shtëpiake ( qenin përshembull )
- Grupmosha mbi 12 vjeç : mund dhe duhet të kryej shumë mirë këto funksione të nxjerri jashtë mbëturinat, të shkojë të blejë bukën ose pazare të vogla pranë shtëpisë, të përfshihet më gjërë në kuzhinë dhe gatim.
Kështuqë prindër, përfshirja e fëmijëve në punët e shtëpisë nuk ka të bëjë aspak me abuzim apo prishje rehatie. E gjitha lidhet ngushtësisht me përgatitjen e fëmijës tuaj për të kuptuar jetën në praktik. E rëndësishme është që të fokusohemi të rrisim një brez të ri të ndërgjegjshëm për kujdesin ndaj vetes si fillim dhe më pas për kujdesin, vëmendjen, respektin dhe gjithë faktorët e tjetër që nëpërmjet punëve të shtëpisë, i shkathtësojnë dhe ju mësojnë se si të ngrenë dhe krijojnë marrdhëniet jashtë ndikimit familjar ( gjithmonë i gatshëm për t’i mbrojtur dhe kudjesur).
